നൈറ്റ് ഓഫ് ദി ഫോക്സ്: നൈറ്റ് ഓഫ് ദി ഫോക്സ്

Friday, May 13, 2022

നൈറ്റ് ഓഫ് ദി ഫോക്സ് - 63

ഈ നോവൽ തുടക്കം മുതൽ വായിക്കാൻ ഇവിടെ ക്ലിക്ക് ചെയ്യുക...

മുള്ളർ പൊട്ടിച്ചിരിക്കുവാൻ തുടങ്ങി‌. "വില്ലീ, നിങ്ങളുടെ ആ നില്പ് ഒന്നു കാണേണ്ടതു തന്നെയായിരുന്നു... ഡെസ്കിന് പിന്നിൽ ഒരു സ്കൂൾക്കുട്ടിയെപ്പോലെ... ഒരു ഹാഫ് നിക്കറിന്റെ കുറവും കൂടിയേ ഉണ്ടായിരുന്നുള്ളൂ..."

"ദൈവത്തെ ആണയിട്ട് ഞാൻ പറയുന്നു, അയാളെ ഞാൻ............"

"നിങ്ങൾ ഒരു ചുക്കും ചെയ്യാൻ പോകുന്നില്ല വില്ലീ... മറ്റെല്ലാവരെയും പോലെ, ആജ്ഞകൾ അനുസരിക്കുക മാത്രമേ മാർഗ്ഗമുള്ളൂ..." കബോർഡ് തുറന്ന് അദ്ദേഹം കോന്യാക്ക് ബോട്ട്‌ലും ഒരു ഗ്ലാസ്സും എടുത്തു. "രോഷാകുലനായ റൈഫ്യൂറർ മുന്നിൽ വന്ന് നിൽക്കുന്നത് പോലെയായിരുന്നു എനിക്ക് തോന്നിയത്... എപ്പോഴും പൊക്കിപ്പിടിക്കുന്ന ഒരു ജർമ്മൻ മാഹാത്മ്യം... ചർവ്വിത ചർവ്വണം എന്നല്ലാതെ എന്തു പറയാൻ..."

"ഇനിയും ഇയാളെക്കുറിച്ച് എന്റെ സഹോദരന്റെയടുത്ത് അന്വേഷിക്കണമെന്നാണോ താങ്കൾ പറയുന്നത്, ഹെർ ക്യാപ്റ്റൻ...?" ഗ്രൈസർ ചോദിച്ചു. "ഇന്ന് രാത്രി പത്തു മണിയ്ക്ക് സ്റ്റൂട്ട്ഗാർട്ട് വഴി ഒരു കോൾ ബുക്ക് ചെയ്തിട്ടുണ്ട്..."

"എന്തുകൊണ്ട് അന്വേഷിക്കാതിരിക്കണം...?" മുള്ളർ തന്റെ ഗ്ലാസ്സിലേക്ക് അല്പം കോന്യാക്ക് പകർന്നു. "വില്ലീ, നി‌ങ്ങളുടെ മൂക്ക്... ദൈവത്തെയോർത്ത്, ഹോസ്പിറ്റലിൽ പോയി ഡോക്ടറെ കാണിക്കൂ... ഇവിടെ നിൽക്കാതെ കടന്നു പൊയ്ക്കോണം രണ്ടുപേരും എന്റെ കണ്മുന്നിൽ നിന്ന്..."

(തുടരും)

അടുത്ത ലക്കത്തിന് ഇവിടെ ക്ലിക്ക് ചെയ്യുക...

6 comments:

SukanyaMay 13, 2022 at 12:42 PM
ആജ്ഞകൾ അനുസരിക്കുക മാത്രമേ മാർഗമുള്ളു. നിവൃത്തികേട്..

കുഞ്ഞ് എപിസോഡ് ആണല്ലോ.
ReplyDelete
Replies
ജിമ്മി ജോണ്‍May 13, 2022 at 9:45 PM
കുഞ്ഞ് എപ്പിസോഡ്.. ഇത്തിരി കൂടെ ആവാമായിരുന്നു.
😄
ReplyDelete
Replies
സുധി അറയ്ക്കൽSeptember 17, 2022 at 2:38 PM
ഇച്ചിരികൂടെ ചെറുത് ആക്കാരുന്നു 😜😜😜
ReplyDelete
Replies

Add comment

നോവലിനെക്കുറിച്ച്...

രണ്ടാം ലോകമഹായുദ്ധ കാലത്ത് ബ്രിട്ടീഷ് ചാനൽ ഐലന്റ്സിൽ ഉണ്ടായ ജർമ്മൻ അധിനിവേശം ഒരു ചരിത്ര യാഥാർത്ഥ്യം തന്നെയാണ്. രാഷ്ട്രീയത്തിലും സൈന്യത്തിലും ഉള്ള ഏതാനും നേതാക്കളുടെ പേരുകൾ ചരിത്രത്തിന്റെ ഭാഗമായി ഇതിൽ പരാമർശിച്ചിട്ടുണ്ടെങ്കിലും ഇതൊരു കല്പിത കഥയാണെന്നും ജീവിച്ചിരിക്കുന്ന ആരുമായും ഇതിലെ കഥാപാത്രങ്ങൾക്ക് യാതൊരു ബന്ധവും ഇല്ലെന്നും പറഞ്ഞു കൊള്ളട്ടെ.

കേണൽ ഹ്യൂ കെൽസോ എന്ന അമേരിക്കൻ ആർമി ഓഫീസർ സഖ്യകക്ഷികൾക്ക് ഒരു റിസ്ക് ആയി മാറിയിരിക്കുകയാണ്. ഒരു ബോട്ടപകടത്തിൽ നിന്നും രക്ഷപെട്ട് നാസികളുടെ നിയന്ത്രണത്തിലുള്ള ജെഴ്സി ദ്വീപിലെ ബീച്ചിലാണ് അദ്ദേഹം കരയ്ക്കടിഞ്ഞത്. ആ വിവരം സഖ്യകക്ഷികളുടെ ഹെഡ്ക്വാർട്ടേഴ്സിൽ ജനിപ്പിച്ച ഉത്കണ്ഠ ചെറുതൊന്നും ആയിരുന്നില്ല. അവിടെ നിന്നും അദ്ദേഹത്തെ രക്ഷപെടുത്തുകയോ അല്ലെങ്കിൽ നിശ്ശബ്ദനാക്കുകയോ ചെയ്തില്ലെങ്കിൽ ഉണ്ടാകാൻ പോകുന്ന അപകടം അത്രയ്ക്കും വലുതായിരുന്നു. D-Day യെ സംബന്ധിച്ച സകല രഹസ്യങ്ങളും അറിയാവുന്ന ഉദ്യോഗസ്ഥനാണ് കേണൽ ഹ്യൂ കെൽസോ. ആക്രമണത്തിനായി എവിടെ, എപ്പോൾ ലാന്റ് ചെയ്യുന്നു തുടങ്ങിയ നിർണ്ണായക വിവരങ്ങൾ ആയിരിക്കും ശത്രുവിന്റെ കൈവശം എത്തിപ്പെടുക.

പ്രശ്ന പരിഹാരത്തിനായി സഖ്യകക്ഷികളുടെ ഹെഡ്ക്വാർട്ടേഴ്സ് ഹാരി മാർട്ടിനോയുടെ സഹായം തേടുകയാണ്. ഒരു ഫിലോസഫി പ്രൊഫസർ ആയ അദ്ദേഹം ഇംഗ്ലീഷും ജർമ്മനും അനായാസം കൈകാര്യം ചെയ്യാൻ കഴിവുള്ളവൻ എന്നതിലുപരി ഒരു ഷാർപ്പ് ഷൂട്ടർ കൂടിയാണ്. അദ്ദേഹത്തെ സഹായിക്കുവാനായി പാതി ഫ്രഞ്ച് വംശജയായ സാറാ ഡ്രെയ്ട്ടൺ എന്ന യുവതിയെയും അവർ ഏർപ്പാടാക്കുന്നു.

ഒരു നാസി ഓഫീസറും അയാളുടെ ഫ്രഞ്ച് കാമുകിയും എന്ന രൂപേണ ആൾമാറാട്ടം നടത്തി ശത്രുനിര ഭേദിച്ച് ഹ്യൂ കെൽസോയുടെ അരികിലെത്തി, അദ്ദേഹത്തിനറിയാവുന്ന രഹസ്യങ്ങൾ ഒരിക്കലും വെളിയിൽ വരില്ല എന്ന് ഉറപ്പുവരുത്തുകയാണ് അവരുടെ ദൗത്യം. ഒരു പക്ഷേ, തങ്ങളുടെ ജീവൻ പോലും ബലി കഴിക്കേണ്ടി വന്നേക്കാവുന്ന ഒരു ദൗത്യമാണ് ഇതെന്ന പൂർണ്ണ ബോദ്ധ്യത്തോടെ അവർ മുന്നിട്ടിറങ്ങുകയാണ്...